PZAP njofton se Kryesuesi i Sekretariatit të PZAP-it, Z. Mulë Desku, është pensionuar.
Me këtë rast, Kryesuesi i PZAP-it, z. Zenel Leku, në emër të anëtarëve të Panelit dhe Zyrtarëve të Sekretariatit, e ka uruar z. Desku me rastin e pensionimit, duke i dëshiruar shëndet dhe jetë të lumtur. Gjithashtu, të njëjtit i ka shprehur mirënjohjen më të thellë, për punën e palodhshme, përkushtimin dhe kontributin e çmuar shumë vjeçar të tij në këtë institucion, duke theksuar se kontributi i tij dhe profesionalizmi i lartë kanë lënë gjurmë të pashlyeshme në ndërtimin dhe funksionimin efikas të PZAP-it.
Nga ana tjetër, z. Desku ka shprehur mirënjohje dhe falënderim për bashkëpunimin me stafin e PZAP-it, përfaqësuesit e institucioneve vendore dhe ndërkombëtare si dhe akterët e proceseve zgjedhore në Kosovë. Gjithashtu, ai ka shprehur gatishmërinë për të ofruar mbështetjen dhe përvojën e tij në çdo kohë që institucioni ka nevojë, duke iu uruar institucionit suksese të vazhdueshme në të ardhmen.
