N J O F T I M
Për Apelet e paraqitura nga subjektet politike kundër vendimit te KQZ-së për mos certifikim te subjekteve politike dhe kandidateve.
Paneli Zgjedhor për Ankesa dhe Parashtresa – PZAP-i, njofton publikun se sot më datë 23.01.2021 deri me tani subjektet politike kane dorëzuar ne PZAP 9 apele.
- Partia Demokratike e Ashkalive të Kosovës (PDAK) – Për shkak mos certifikimit të Listës së Kandidatëve për deputet nga KQZ-ja,
- Partia e Ashkalive për Integrim (PAI) – Ka sjellë tre apele, dy janë në emër të subjektit politik dhe njëra në emër të një Kandidatit për shkak të mos certifikimit të tij në listë nga KQZ-ja për pjesëmarrje në zgjedhje.
- PREBK, për shkak të mos certifikimit të një Kandidate nga KQZ-ja për pjesëmarrje në zgjedhje.
- Socialdemokratska Unija – Duda Balje, për shkak të ndodhjes së një Kandidate shqiptar ne listën e subjektit te saj.
- Aleanca për Ardhmërinë e Kosovës – AAK-ja, Për shkak mos certifikimit të Listës se Kandidatëve për deputet nga KQZ-ja.
- Nisma Socialdemokrate-NISMA, Për shkak të mos certifikimit të subjektit politik dhe Listës së Kandidatëve për deputet nga KQZ-ja.
- Lëvizja Vetëvendosje! Për shkak të mos certifikimit të Listës se Kandidatëve për deputet nga KQZ-ja.
Afati për shqyrtimin dhe vendosjen e këtyre apeleve është 72 orë nga momenti i dorëzimit të këtyre apeleve nga palët në PZAP.