Prishtinë, 10 Tetor 2025
Kryesuesi i Panelit Zgjedhor për Ankesa dhe Parashtresa (PZAP), z. Zenel Leku, priti në takim ambasadorin e OSBE-së. z. Gerard McGurk, me të cilin biseduan për rëndësinë dhe sfidat e PZAP-ës me të cilat ballafaqohet, në veçanti gjatë proceseve zgjedhore.
Kryesuesi i PZAP-it, falënderoi ambasadorin z. Gerard McGurk për bashkëpunimin dhe mbështetjen e vazhdueshme ofruar PZAP-ës, gjatë dhe jashtë procesit zgjedhor, si dhe vuri në dukje ushtrimin e pavarësisë, profesionalizmin dhe transparencën në punën e PZAP-ës.
Nga ana e tij, ambasadori z. Gerard McGurk, shprehu mirënjohjen për mikpritjen e Kryesuesit të PZAP-ës dhe theksoi rëndësinë e këtij takimi për të diskutuar për rolin e PZAP, duke shprehur gatishmërinë e OSBE-së, në mbështetje të mëtejme për PZAP-in, në adresimin e sfidave që mund të dalin nga procesi i Zgjedhjeve Lokale.
